Адны з лепшых у краіне

Дата: 19 января 2017 в 13:53

Автор: Лось В. М.

536 просмотров

Кожны навучальны год вучні ўстаноў адукацыі нашага раёна ўдзельнічаюць у розных алімпіядах і конкурсах, колькасць якіх з кожным годам павялічваецца. Яны праводзяцца ў рэспубліцы розныя: прадметныя і тэматычныя, рэспубліканскія і раённыя, выхаваўчыя і вучэбныя… А не вельмі даўно для вучняў стала даступнай новая форма ўдзелу ў такіх мерапрыемствах – дыстанцыйная.

Вучні ДУА “Дзяніскавіцкі яслі-сад – сярэдняя школа” з’яўляюцца прызёрамі і пераможцамі такіх конкурсаў і алімпіяд. І вось на прыканцы другой чвэрці, а дакладней 15 снежня 2016 года 5 хлопчыкаў з 11 класа сталі ўдзельнікамі рэспубліканскага дыстанцыйнага конкурса “1941 – 1945. Белорусский пограничный». Гэты конкурс мне прапанавала адказная за выхаваўчую работу Кірык К.А. Доўга думаць не прыйшлося, срокі паджымалі, а гісторыю Вялікай Айчыннай вайны на гэты момант вывучылі толькі вучні 11 класа.

Вынікі конкурса (набраныя балы і працэнты) былі вядомы ўжо 19 снежня. І як аказалася , вучні нашай школы выступілі ў ім дастойна. А вось ужо ў час зімовых канікул, 27 снежня, на электронны адрас школы прыйшлі 2 імянныя дыпломы і 3 пазвальныя водгукі. Менавіта так па ўмовах конкурса адбывалася ўзнагароджанне пераможцаў.

Такім чынам, скарбонка перамог вучняў школы папоўнілася яшчэ пяццю ўзнагародамі: Кандраценя Кірыл быў адзначаны дыпломам 2 ступені, Валаскевіч Раман – дыпломам 3 ступені, а Бруй Яўгеній, Зялёнка Вадзім і Шут Аляксандр атрымалі пахвальныя водгукі. Узнагароды знайшлі сваіх пераможцаў ўжо ў пачатку 3 чвэрці. І мне хочацца верыць, што выпускнікі нашай школы, пасля ўдзелу ў конкурсах і мерапрыемствах грамадзянска-патрыятычнага накірунку, стануць сапраўднымі грамадзянамі сваёй краіны.

Все новости

Комментарии:

Оставлять комментарии могут только авторизованные посетители.

Email: deniskovichi@gancevichi.edu.by

Белорусские электронные дневники