А.М.Галуза, настаўніца рускай мовы і літаратуры,
Т.І. Дзенісеня, настаўніца гісторыі.
Школьны музей на варце гісторыі роднай вёскі.
Малая радзіма, малая радзіма.
Ты сотні дзяцей ад сябе адпусціла.
У свет разышліся і сем’і стварылі,
Ды родную вёску яны не забылі.
Паўтысячы год нашай вёсцы мінула.
Шмат бачыла вёска і шмат яна чула:
Паны Радзівілы завод збудавалі,
Нямецкія полчышчы вёску тапталі.
А людзі цярпліва няслі на плячах
І войны, і голад, і здраду, і страх.
Ды толькі ніколі сабе не здраджалі,
У працы сумленнай век выйсця шукалі.
Маю вёску палёў паясы спавіваюць,
Дубравы лясныя яе зберагаюць.
Прасторы навокал, як вокам не кінуць,
Забыць вёску нельга, хоць можна пакінуць.